هو الفارس عبيد بن حران المري وهو من العقداء والشعراء الجزليين وسنورد بعض قصائده وانشاء الله نجد مزيد منها في القريب العاجل::

وهذه قصيده نبداء بها::

لحقوا هل البل على هجن سماني متعبين جيشهم قادي سقايا

واين خلان البنات اهل الفهاني كل قرم ما يخاف من المنايا

حولوا ربعي بتفاق اماني ونعوهم مثل وناع الضمايا

طمرتي لعيون مجلي الثماني او لعين اللي نخاني من ورايا

خايف من هرجة وقت الفهاني في مجالسهم كثيرين الحكايا

ابغي المبغض اللي منه قفاني يقمعه من كان زين في قفايا

قلت (ابن دبسه)خويي ويعناني يوم سهوم الموت تومي بالمنايا

والله ما اخلي خويي الى نخاني الخوي الزم علي من الدنايا

وهذه من اجمل قصائده::

ترى الهجن ستر للنشامى وفضاحه ولا كل من ركب النضا جاء بالاجهالي

كم واحد اذا ركبها قلت امداحه وكم واحد لا ركبها يطرب البالي

شجاع الى من قربوا القوم في الساحه صبور على ما جاء ولا هو بعذالي

لا وهنيك يا اريش العين بالراحه وانا في سموم وانت يالعذب بالضلالي

ولا يشتهب للجيش لا قرب مرواحه ولا هو يحاتي ميلة الفي لا مالي

ولا خذ قطيع قد شفاياه كلاحه ولا هو يحاتي عوجة الروح للتالي

ولا درجت به فاطره من وراء الباحه ولا وردت به مشرع من هله خالي

عزي لمن تقصر حباله عن الشاحه ومن كان حبله وارد شرب زلالي

ومن اروع قصائده في الحكمه::

يا محمد بامنك زين المخوه والخوي تعطيه حقه بكمالي

ان عبى لك بالردى فالطيب سوه لابد من هجنك تفرقها الليالي

راسي اللي لاح فيه الشيب توه واحسب ان الشيب ما ياتي العيالي

جعل شيبي للنقا والصح نوه لاركبنا فوق مومية الحبالي

ان عذلته يا محمد زاد سوه ما تطوا لي في ريعه الرجالي

وترك الى وان عداء يذخر عدوه وان صلح يكسب جميل في الرجالي

وهذه قصيده تبين غزوه وما حدث فيها تسره القصيده::

لحقوا اهل الابل ثلاثين ترامينا والكل منا يقاس الطول بحباله

حنا ما غير خمسه والزود ما فينا ال معونه راعي البيت ونساله

صنع الكفر من قديم سوت ايدينا تورع اللي من الشرهيين عياله

لعيون من يبتجح الى جاه طارينا خذنا قضا شيخنا قرم من اشكاله

والله ان يخلي التعرض وان يصافينا وان يخلي المري الطراش في حاله

وهذي قصيده يمدح قبيلته ويثني عليها::

هجنا بين العداء سوت هذره بين دار الغافري هو الهناوي

ويا ناشد منا ترى حن ال مره لا كسرنا العظم ما تسره الاداوي

والتفق لا ثار غلمانه نقره نعتصم بالله لا جات البلاوي

فوقها كل ابلج منه مسره ما نسى من كلمة الغر السحاوي